Kven seier at dei beste ferieopplevingane krev lange reiser? Midt i fjella våre ligg eit nettverk av hytter som gjev deg tilgang til ekte naturopplevingar, rolege dagar og kvalitetstid med familie og vener. Som sponsor av Voss Utferdslag er Voss Fiber stolt samarbeidspartnar i arbeidet med å gjera naturen tilgjengeleg for fleire.
Denne sommaren ynskjer me å inspirera fleire til å oppdaga dei flotte DNT-hyttene, enten du er erfaren fjellvandrar eller berre vil ha ei enkel overnatting i vakker natur.
Som medlem i DNT får du tilgang til hundrevis av hytter over heile landet, inkludert dei flotte hyttene som Voss Utferdslag forvaltar lokalt.
Mange av hyttene ligg lett tilgjengeleg og eignar seg perfekt for ein spontan sommartur, ei helg med familien eller ei roleg overnatting langt frå skjermar og kvardagsstress.
Ynskjer du ei enkel og familievenleg naturoppleving? Då er Nansenbu eit flott utgangspunkt. Hytta ligg i eit område som eignar seg godt for både små og store eventyrarar, og er ein fin måte å bli kjend med DNT-hyttene på.
Dette er kanskje den perfekte “heimeferien” for familiar som ynskjer å skapa gode minner saman. Her kan du leggja ut på ein todagars tur mellom Volahytta og Tvinnestølen.
Ei flott hytte for deg som ynskjer høgfjellskjensle og storslått utsikt. Grindaflethytta er eit populært turmål og eit godt utgangspunkt for vidare turar i området.
Ei hytte som byr på ekte fjellro og nærleik til naturen. Her kan du nyta stillheita og la skuldrene senka seg.
Når sommaren kjem, er det lett å tenkja at dei største opplevingane finst langt vekke. Men ofte er det dei enkle tinga som skaper dei beste minna: å fanga den fyrste fisken, byggja demning i ein bekk, bada i eit fjellvatn eller sitja rundt bordet på ei hytte og spela kort medan regnet trommar på taket. I ein kvardag der skjermar stadig tek større plass, blir naturen ein arena der borna får utforska, læra og utvikla seg på eigne premissar.
På hyttene til Voss Utferdslag ligg alt til rette for slike opplevingar:
Det er ofte dei små augneblikka som blir dei store minna.
Gjennom samarbeidet med Voss Utferdslag ynskjer Voss Fiber å bidra til eit aktivt lokalsamfunn og gode opplevingar i naturen. Me håpar fleire nyttar sommaren til å utforska fjella, vatna og hyttene som fins i nærmiljøet vårt.
Her kan du bestilla breiband, TV-pakker og WiFi-løysing. Ta kontakt dersom du er usikker på kva du treng.
Addressesøket gav fylgande treff i Google maps:
Sjekk adresse-feltet igjen, trykk gjerne på forslaget som kjem opp, eller ta kontakt så sjekker me for deg.
