Eit aksesspunkt (AP) er ein eining (ruter) som ein koplar til nettverket ditt og utvidar dei trådlause WiFi-signala. Det fungerer som ei bru mellom den kablede nettverksforbindelsen (typisk frå modemet) og dei trådlause einingane dine, som mobilar, datamaskinar og andre trådlause apparat.

Aksesspunktet er spesielt nyttig i større bygg eller bustader der eitt enkelt WiFi-signal frå modemet ikkje gjev god nok dekning i alle rom. Med fleire aksesspunkt i eit mesh-nettverk blir det enklare å dekka heile området utan tap av signal.

Dersom du har modem i eit teknisk skap, og det ikkje har innebygd WiFi, har du truleg eit aksesspunkt som gjev trådlaus dekning i heimen i frå før. Dette aksesspunktet fungerer som hovudeininga for nettverket ditt, og for å setja opp eit mesh-nettverk med eit nytt aksesspunkt, koplar du det til det eksisterande aksesspunktet med ein nettverkskabel. Dette gjer du ved første oppkopling for å sikre korrekt installasjon.

Kor mange aksesspunkt ein treng, avheng av storleiken på bustaden din, utforminga av romma og andre element som er med å forstyrra trådlause signal som t-d vannboren varme.

For større bustader eller bustader med fleire etasjar, vil du truleg trenga fleire aksesspunkt for å sikra god dekning i heile huset. Eit generelt utgangspunkt kan vera å starte med eitt aksesspunkt per etasje, og så leggje til fleire om du opplever dårleg dekning i enkelte område.